احسن 5 حاجات تصرف عليهم فلوسك

هدخل في الموضوع علي طول :

1-موبايل و لابتوب 

هات احسن حاجة و متحاولش توفر 500 جنيه  وتلبس في حاجة تتعبك سنين قدام , اشتري احسن حاجة مناسبة ليك و استخدمه اطول فترة ممكنة و هتلاقي ان الموضوع يستاهل و خصوصا لو الموضوع ده مرتبط بشغلك 

2-التجارب و المغامرات

عمري ما شوفت واحد مبسوط انه لغي سفرية و اشتري بالفلوس موبايل مثلا و قال انه مبسوط انه خد قرار زي ده , انما شفت كتير قرروا في اخرلحظة انهم يسافروا سواء برة او جوة مصر او يخرجوا حتي يتمشوا و قالوا انهم مبسوطين انهم مفوتوش زي دي.
التجارب ممكن تكون رحلات عادية او تمشية علي الكورنيش او السفر حتي لو لمدة يوم التجربة تستاهل و مش لازم تكلفك فلوس كتير .

كتاب الجار المليونير the millionaire next door

ايه هي فكرتك عن المليونير ؟  طب عايش ازاي ؟ و ايه اللي يخليه مليونير ؟ بيركبو عربية شكلها ايه؟ و هل المليونير يعتبر شخص غني ؟ طب الناس اللي مرتباتها عالية اغنياء ؟ طب ايه العربيات اللي بيركبوها؟

الكتاب ده هيغير فكرتك عن الناس الاغنياء و خليك تبص للمبدأ من منظور مختلف 

اغني رجل في بابل

 بداية زمان  كنت كل لما بعوز حاجة كنت بحوش تمنها و اجيبها كنت تقريبا بقطع صرف المصروف لعدة ايام , تخيلوا عذاب واحد بيحرم نفسه من حلويات وغيرها اكتر من يومين ثلاثة و كل ده عشان يجيب حاجة تانية , هي غالبا كانت حلويات تانية بس اغلي شوية :) , ده كان مبدائي لفترة كبيرة من حياتي عيش حياتك عادي و اصرف و لما تعوز حاجة معينة حوشلها و تعالي علي نفسك شوية و هتجيبها و هكذا بس مع الوقت الحاجات اللي بعوزها بتكبر و ووقت التحويش بيبقي اطول و العذاب اكتر في ناس لغاية دلوقتي عايشين علي المبدأ ده و بيصرفوا كل اللي في جيبهم و الظروف هي اللي بتتحكم فيهم

المهم وقع تحت ايدي كتاب اغني رجل في بابل و ده غير فكرتي عن التحويش و كمان ممكن تنتقل لمرحلة انك تبقي غني و مش هتستني اي حاجة عشان تجيبها

فكرة بسيطة عن الكتاب 

الكتاب بسيط جدا و سهل في القراية و المثير للاهتمام انه الناس من زمان عندها مشاكل مالية زي ما عندنا دلوقتي بس هما لقوا حلول من زمان واستخدموها و نجحت معاهم و احنا لسة بنلف حوالين نفسنا عشان نخرج من الدوامة دي 

بس الفكرة ان القرار في ايدينا و قرار انك تبقي غني او لا في ايدينا احنا بس 

ازاي تدخل لعبة البورصة وتكسب فيها

كلنا نعرف البورصة و بنسمع عنها في النشرة و الاخبار و بنسمع برضو انها حاجة مش مضمونة و الناس بتخسر فيها و بيحصل فيها مضاربة و ده بيخلينا نلغي موضوع البورصة من دماغنا خالص رغم انها ممكن تكون فرصة كويسة و علي المدي البعيد ممكن تخليك تكسب اكتر من العقارات و الذهب و شهادات الاستثمار بس اهم حاجة تعرف اصول اللعبة وتلعب باعصاب هادية 

تعريفات مملة بس مهمة 

جزء كبير مننا يعرف ايه هي البورصة بس هقول باختصار بعض الحاجات اللي ممكن تحتاج تعرفها عشان تعرف تدخل البورصة

شوية تعريفات مملة بس ضرورية عشان تفهم الدنيا 

لو عارف الحاجات دي افكس للحتة و كمل قراية من عند علامة النجمة *
ايه هي البورصة

سوق زي اي سوق السلع اللي بتتباع جواه هي اسهم و سندات و اذون خزانة و مشتقاتها و مفيش مكان تاني تقدر تتاجر في في السلع دي غير فيه و في انواع كتير من البورصات متخصصة في حاجات تانية زي  مواد خام او منتجات صناعية و زراعية , موضوعنا مرتبط بسوق الاوراق المالية.

اهم الخطوات في طريقك للثراء

تحديد هدفك 

لو محددتش اهدافك من الاول صعب انك تكون ثروة , عشان رؤيتك هتبقي مشوشة و ممكن اي حاجة تغير وجهتك بسهولة , دي تقريبا اهم خطوة في الموضوع و من غيرها مش هتعرف تكمل للاخر , لازم تحدد معني كلمة غني بالنسبة ليك وليه عايز تبقي غني , يعني ممكن بالنسبة لي لو معايا مليون جنيه يبقي حاجة حلوة اوي و ممكن واحد تاني شايف ان اقل حاجة 10 مليون و كل واحد شايف رقم معين هو تعريفه للثراء.

 السؤال الاهم انت عايز تبقي غني ليه ؟ اكيد مش عايز تشيلهم في البنك و تتفرج عليهم ممكن يكون هدفك انك تبقي غني بحيث انك تعرف تشتري لبس و تسافر و تروح فنادق و تلف العالم من غير ما تقلق علي محفظتك و فيه واحد تاني شايف انه عايز يبقي غني عشان يجيب عربية فخمة و يسكن في حي راقي و يروح النادي مثلا و يمارس حياته عادي.

 كل واحد و ليه رؤية بس لو معندكش هتفضل تجري ورا سراب انت مش عارف توصل له و تعيش حياتك كلها حاسس بالاحباط عشان  لما عملت المليون بصيت انك عايز 10 و تتعب عشانهم و اول لما توصل تقول انا عاوز 100 وهكذا و هتلاقي عمرك جري و نسيت حياتك الطبيعية و علاقاتك مع الناس بقت ضعيفة و  فاتك لحظات مهمة مع اولادك حفل تخرج او مسابقة في المدرسة كانوا نفسهم تكون معاهم فيها .

 مش هتعرف تستمتع بالفلوس لان صحتك مبقتش زي الاول و في حاجات كتير مش مناسبة لسنك وتقعد حزين كدة و تموت و تسيب الفلوس لحد تاني يعيش بيها او يهدرها 

اسهل طرق لكسب المال

ملئ الاستطلاعات و الدراسات survey

مواقع كتير بتعمل استطلاعات و دراسات للسوق سواء ليها او لشركات تانية مقابل المال بس طبعا العملية دي صعبة عليهم عشان عايزين عدد عينة كبير و محتاجين يحفزوا الناس انها تملا الاستطلاعات و طبعا مفيش حافزاقوي من الفلوس و ساعات في مواقع بتعرض خصومات علي منتجات او كوبونات او منتجات عينية , اختار اللي يعجبك و استفيد منه
من اشهر المواقع : 

Swagbucks
Toluna

البحث المدفوع للويب 

في مواقع منافسة لجوجل و عايزين يدخلوا في المنافسة , جوجل مسيطر علي اكتر من 60 في الماية من السوق و بتزيد . المنافسين بيبذلوا مجهودهم عشان يتقدموا شوية و ياخدوا حتة اكبر من السوق , موقع بينج الخاص بميكروسوفت  عنده برنامج اسمه bing rewards  ممكن تشترك فيه و في حد اقصي للي ممكن تكسبه بحيث انك متعديش 5 دولار في الشهر ايوة هو رقم بسيط بساحسن من مفيش انت كل اللي هتعمله ان تشترك و بدل ما تعمل سيرش في جوجل هتعمل كدة في بينج و غالبا نتايج البحث مش بتفرق كتير, انت الكسبان في الاخر
في مواقع تانية برضو ممكن تبص عليها
qmee
zoombucks
و اعمل سيرش عن earn money from search  هتلاقي نتايج كتير و كل فترة بتلاقي مواقع جديدة ظهرت و عايزين يدخلوا اللعبة

الفرق بين البخيل والموفر

 مش معني انك تكون بتوفر في كل حاجة هيبقي معاك فلوس اكتر , الكلام ده جزئيا صح بس في نسبة غلط عشان العالم اللي احنا في مش مثالي و مش كل المعلومات بتبقي في ايدينا و بنبص للموضوع من ناحية واحدة 

الحاجة المشتركة بين الاقتصادي و البخيل انهم عايزين يوفروا فلوس بس الموفر يعرف شوية حاجات اكتر من البخيل بتخليه يصرف اقل و يعيش حياة افضل و بضغوط اقل

!نصايح لتوفير مصاريف شراء الملابس حتي النصف

تقدر تقولي عشان تنزل تجيب هدوم دلوقتي هتعمل حسابك في كام و انت نازل ؟

مثلا لو الطقم دلوقتي مكون من قميص و بنطلون و جزمة و بلوفر ممكن يبقي بالف جنيه او اكتر طبعا  لو هتجيب حاجة محترمة بعد الاسعار الرهيبة دي , و يا ريت متفكرش تجيب جاكيت اتصرف تقل من تحت احسن و لوعايز توفر فيه هتلاقي حاجات ارخص بس حاجات تعبانة و اشكال اي كلام .

طب ايه الحل؟

الحل سهل لازم تفكر شوية و ننظم حياتنا في لو عملت كدة هتلاقي الدنيا فرقت كتير معاك في كل حاجة مش الهدوم بس انا عارف انك زهقت و عايز الحل بص يا سيدي:

1- ابعد عن الماركات

اسم و خلاص اعمل حسابك انك بتدفع اكتر من ضعف تمن الحاجة اللي بتشتريها عشان اسمها بس.

كيفية شراء سيارة جديدة او مستعملة بافضل سعر ممكن

من اكثر القرارات المهمة واللي بتكلفك مبلغ كبير ممكن يوصل لمرتب سنة او اكتر ممكن توفر فلوس كتير فيها بمجهود بسيط و شوية بحث 
هحاول اساعدك تقيم القرار بحيث شراء العربية يوفرلك فلوس و يريحك ويكون سبب سعادتك بدل ما تختار عشوائي كدة و تكلفك اكتر من المتوقع و تكون سبب في اكتئابك طول الوقت. 

 انت عايز العربية فعلا ؟

ممكن تكون عايز تشتري العربية عشان تعمل زي الناس و لما مثلا بتجيب سن معين بيبقي حاجة لطيفة انك يكون معاك عربية لازم تجاوب علي السؤال ده فعلا و بصدق لانها مسؤلية كبيرة و في حالة الاختيار السيئ هيبقي قرار مضراكتر منه مفيد , اسأل نفسك الاسئلة دي
1-انا عايز اشتري عربية ليه؟
مثلا انا تعبت من المواصلات و شراء العربية هيريحني و هيوفر عليا فلوس كتير علي المدي البعيد خصوصا في المشاوير البعيدة زي الساحل او زيارة لحد من قرايبنا بدا ما تاكسي يتحكم فيا و يذلني او ملاقيش اصلا في اوقات متأخرة و لا حاجة
2-في بديل لموضوع شراء العربية ؟ ممكن اعمل حاجة مفيدة اكتر بالفلوس لو مش هشتري العربية ؟
 اروح الشغل او المشاوير القريبة بمواصلات عادي و في المشاوير البعيدة ااجر عربية و فلوس اللي انا محوشها للعربية ممكن استغلها في حاجة تانية و ممكن ااجل القرار ده مثلا لغاية لما الاولاد يدخلوا المدارس و هكون محتاجها فعلا.

طيب نتوكل علي الله و نمشي في خطوات شراء العربية
هات ورقة و قلم و جهز نفسك عشان تجاوب علي الاسئلة دي

ازاي تخلص من ديونك

جزء كبير مننا بيقع في دايرة الديون و مش بنعرف نخرج منها سواء مثلا بعد جواز مثلا او في الحياة عامة بتيجي مصاريف مفاجأة و مش بيكون معاك حقها و بتضطر تستلف علي امل انك تسدد بعدين و بعدين تلاقيحاجة تانية تخليك تستلف تاني , و مع الوقت هتلاقي الديون تراكمت و مش عارف تسددها و تبقي متوتر اغلب الوقت

لازم تسيطر علي مصاريفك العادية
اول حاجة لازم تقعد مع نفسك و تشوف فلوسك بتصرفها فين و ايه سبب انك استلفت و اعمل حصر بكل الفلوس المطلوب سدادها وتحدد سبب السلف , خطوة زي كدة تعتبر 50 في الماية من الحل و بعدين تقعد مع نفسك و تحدد لنفسك ميزانية هتصرف كام الشهور اللي جاية و هتقدر تطلع علي جنب مبلغ ثابت كل شهر تسدد بيه ديونك بالتدريج , اهم حاجة ان تبقي واقعي و تطلع نسبة منطقية تسدد بيها ديونك مثلا من 10 ل 20 في الماية عشان تضمن انك تستمر في السداد و متتزنقش و تستلف تاني .