كلنا نعرف البورصة و بنسمع عنها في
النشرة و الاخبار و بنسمع برضو انها حاجة مش مضمونة و الناس بتخسر فيها و
بيحصل فيها مضاربة و ده بيخلينا نلغي موضوع البورصة من دماغنا خالص رغم انها ممكن تكون فرصة كويسة و علي المدي البعيد ممكن تخليك تكسب اكتر من العقارات و الذهب و شهادات الاستثمار بس اهم حاجة تعرف اصول اللعبة وتلعب باعصاب هادية
تعريفات مملة بس مهمة
تعريفات مملة بس مهمة
جزء كبير مننا يعرف ايه هي البورصة بس هقول
باختصار بعض الحاجات اللي ممكن تحتاج تعرفها عشان تعرف تدخل البورصة
شوية تعريفات مملة بس ضرورية عشان تفهم الدنيا
لو عارف الحاجات دي افكس للحتة و كمل قراية من عند علامة النجمة *
ايه هي البورصة
سوق زي اي سوق السلع اللي بتتباع جواه هي اسهم و سندات و اذون خزانة و
مشتقاتها و مفيش مكان تاني تقدر تتاجر في في السلع دي غير فيه و في انواع كتير من البورصات متخصصة في حاجات تانية زي مواد خام او منتجات صناعية و زراعية , موضوعنا مرتبط بسوق الاوراق المالية.
الاسهم
تعتبر حصة في شركة لو انت اشتريتها تعتبر شريك في الشركة دي و ليك حصة
علي حسب كمية الاسهم اللي اشتريتها بالمقارنة بسعر الشركة بالكامل
التوزيعات
دي صافي الارباح بعد عمل كل الحسابات و تقفيل الميزانية غالبا بتنزل كل
سنة في ميعاد ثابت و بتتوزع علي كل الاسهم بالتساوي و كل لما يكون معاك اسهم اكتر
كل لما هتجيلك توزيعات اكتر و طبعا دي قيمتها متغيرة علي حسب اداء الشركة في كل
سنة
السندات
علي عكس الاسهم الارباح بتاعتها ثابتة و ممكن متكونش عالية قوي بس
مضمونة و تعتمد عليها
اذون الخزانة
الحكومة بتطرح الاذون دي لتعويض العجز في الميزانية و دي عاملة زي
السندات و برضو سعرها ثابت و ارباحها ثابتة و مضمونة برضو
*
*
الجزء ده المهم و هيبقي في صورة سؤال وجواب للتسهيل
ازاي تدخل سوق المال و تتاجر فيه؟
ازاي تدخل سوق المال و تتاجر فيه؟
لازم يبقي ليك حساب مسجل في البورصة و ده بيبقي عن طريق مكتب او شركة
تعتبر وسيط ليك للتجارة باسمك في سوق المال
سوق المال لمين بالظبط؟
لاي حد معاه فلوس زيادة عايز يستثمرها و مش مزنوق فيها و مش بيخاف من
المخاطرة (مفيش مخاطرة كبيرة هشرح الكلام ده بعدين) و كمان متابع و بيتعلم من
اخطاؤه
ايه اللي بيخللي الناس تخسر؟
حاجات كتير منها
الاستعجال علي الارباح و بتقلب بمضاربة و غالبا مش هتعرف تتوقع السوق و تخسر
الاستعجال علي الارباح و بتقلب بمضاربة و غالبا مش هتعرف تتوقع السوق و تخسر
الخوف : اول لما تشوف السوق بينزل تروح بايع و العكس و القيمة في
الاخر لما يحسبها هيطلع خسران برضو
عدم المعرفة : في ناس بتدخل السوق عشان سمعوا حكاية او اتنين عن ناس
"لعبت معاهم" و بقوا اغنيا و فاكرين ان الموضوع حظ و يعملوا زيهم من غير
اي معرفة و يلبسوا برضوا
ازاي تضمن المكسب
مفيش اي حاجة تضمن المكسب 100 في الماية بس اللحظات اللي هتعرفك انت كسبت او خسرت هي السعر وقت البيع و السعر وقت الشراء و الفرق بينهم
يعني لو اشتريت شوية اسهم ب 100 جنيه مثلا هتعرف انت كسبت او خسرت امتي ؟
تشوف قيمتهم في السوق و هتعرف .... دي الاجابة الغلط
الكلام الصح هو
الفرق بين قيمتهم بين الشراء و البيع و كمان متنساش لو عدي عليهم فترة كويسة هتاخد توزيعات و دي برضو بتتحسب
نصايح عشان تضمن المكسب
اول حاجة متدخلش بفلوس انت محتاجها , اوعي تكون مزنوق في الفلوس اللي
هتدخل بيها البورصة عشان الموضوع عايز نفس طويل و لو سحبت فلوسك في وقت غلط عشان
محتاجها غالبا هتخسر
حاجات فعلا
المفروض تركز عليها عشان تختار الاسهم
الشركة نفسها و وضعها في السوق الحقيقي و هل مبيعاتها كويسة و قدرتها علي المنافسة وهل في عقود كبيرة خدوها في الفترة اللي فاتت
فريق العمل و الموظفين عندها ايه وضعهم ؟ يعني الشركة نظامهم مش مستقرمثلا الناس بيطفشوا منها كل فترة عشان بيئة العمل سيئة ولا لأ ؟ الحاجات دي مهمة عشان تعرف الشركة دي هتكمل في السوق ولا لأ
الشركة نفسها و وضعها في السوق الحقيقي و هل مبيعاتها كويسة و قدرتها علي المنافسة وهل في عقود كبيرة خدوها في الفترة اللي فاتت
فريق العمل و الموظفين عندها ايه وضعهم ؟ يعني الشركة نظامهم مش مستقرمثلا الناس بيطفشوا منها كل فترة عشان بيئة العمل سيئة ولا لأ ؟ الحاجات دي مهمة عشان تعرف الشركة دي هتكمل في السوق ولا لأ
حاجات المفروض تنساها و متقلقش منها
سعر السهم زاد كام في اخر 3 شهور , الاخبار و الاشعات اللي بتتوقع سعر السهم الفترةالجاية
سعر السهم زاد كام في اخر 3 شهور , الاخبار و الاشعات اللي بتتوقع سعر السهم الفترةالجاية
اعمل ايه لما البورصة تنزل ؟
اشتري اسهم رخيصة علي قد ما تقدر
اشتري اسهم رخيصة علي قد ما تقدر
اعمل ايه لما البورصة تعلي ؟
ممكن متعملش حاجة خالص انت مشمستعجل و نيتك تستثمر لسنين في البورصة
او ممكن تبيع الاسهم الغالية اللي مش نشيطة بس يكون عينك علي اسهم تانية ناو تشتريها
ممكن متعملش حاجة خالص انت مشمستعجل و نيتك تستثمر لسنين في البورصة
او ممكن تبيع الاسهم الغالية اللي مش نشيطة بس يكون عينك علي اسهم تانية ناو تشتريها
طيب ليه الناس بتخسر طالما الموضوع بسيط كدة؟
- الناس بيدخلو مستعجلين فاكرين اول لما يحط فلوس في البورصة هتروح تزيد لوحدها في كام يوم و يروح بايع و ياخد الارباح و يتفسح بيها في رحلة حول العالم و يركب درجة رجال اعمال و يتفسح
بس ده مش حقيقي .... عارف صدمتك
- الناس بيتخضوا لما السعر بينزل و يروحوا بايعين
- البحث السيئ و الجري ورا الاشاعات
مين اكتر ناس بتضمن المكسب سواء البورصة بتطلع او بتنزل؟
اكتر ناس بتكسب هي الوسيط اللي بيتاجر في البورصة باسمك او الشركات الخاصة بادارة الاموال هما يهمهم ان حركة البيع و الشرا تفضل مستمرة عشان سواء بيع او شراء هو بياخد نسبة و ده ملوش علاقة بمكسبك و خسارتك و كل ما بيحصل حركة في السوق بتبقي لمصلحته دايما و يتصل عليك و يقنعك ان في اسهم كويسة ممكن تشتريها وبياخد نسبته و لو مش معاك فلوس ممكن تبيع شوية اسهم و تشتري بها الاسهم اللي حاول يقنعك انها هتكسب و في الحالة دي هو اخد نسبته مرتين من البيع و من الشراء
في حالة نزول السوق بيتصل عليك و يخضك و لازم نبيع دلوقتي و برضو بياخد نسبته
الوسيط مش عدوك ولا حاجة بس لازم توضحله نواياك من الاول و هي انك هدفك بعيد المدي
طب في حاجة اسهل من كدة ؟
حظك حلو في طبعا !
دلوقتي في حاجة اسمها صناديق المؤشرات etf او index fund ودي بتبقي مرتبطة بالشركات الاكثر نشاطا في البورصة وشراءك حصة في الصندوق بتمثل شرائك لنسبة من الاسهم في كل الشركات دي و مع صعود البورصة بتكسب و مع هبوطها بتخسر بس زي ما قولتلك مش هتخسر الا في لحظة البيع و دي حاجة مهمة لازم تكون عارفها انك تستثمر علي المدي البعيد لان علي المدي البعيد البورصة مش بتخسر يعني لو قارنت الاسعار كل سنة هتلاقي في فرق دايما للافضل
تفرق حاجة عن صناديق الاستثمار ؟
اه صناديق الاستثمار مش مرتبطة باختيار شركات معينة , و بتعتمد علي مهارة اللي بيديروا الصندوق في اختيارهم للاسهم و دي حاجة تقلق بس المشكلة ان ليها رسوم اعلي من صناديق المؤشر
لا انصح بيها الا لو كنت عارف بتعمل ايه
ارجو ان المقالة دي تكون وضحتلك شوية مفاهيم عن البورصة و اشجعك تقرا اكتر وتعرف عن البورصة و او حتي عن اي موضوع مالي تاني الحركة دي لوحدها كفيلة انها تنقلك بعيد عن اغلب المستثمريتن اللي بيسمعوا اشاعات و ممكن يتضحكك عليهم بسهولة في اي موقف
No comments:
Post a Comment