اسهل طرق لكسب المال

ملئ الاستطلاعات و الدراسات survey

مواقع كتير بتعمل استطلاعات و دراسات للسوق سواء ليها او لشركات تانية مقابل المال بس طبعا العملية دي صعبة عليهم عشان عايزين عدد عينة كبير و محتاجين يحفزوا الناس انها تملا الاستطلاعات و طبعا مفيش حافزاقوي من الفلوس و ساعات في مواقع بتعرض خصومات علي منتجات او كوبونات او منتجات عينية , اختار اللي يعجبك و استفيد منه
من اشهر المواقع : 

Swagbucks
Toluna

البحث المدفوع للويب 

في مواقع منافسة لجوجل و عايزين يدخلوا في المنافسة , جوجل مسيطر علي اكتر من 60 في الماية من السوق و بتزيد . المنافسين بيبذلوا مجهودهم عشان يتقدموا شوية و ياخدوا حتة اكبر من السوق , موقع بينج الخاص بميكروسوفت  عنده برنامج اسمه bing rewards  ممكن تشترك فيه و في حد اقصي للي ممكن تكسبه بحيث انك متعديش 5 دولار في الشهر ايوة هو رقم بسيط بساحسن من مفيش انت كل اللي هتعمله ان تشترك و بدل ما تعمل سيرش في جوجل هتعمل كدة في بينج و غالبا نتايج البحث مش بتفرق كتير, انت الكسبان في الاخر
في مواقع تانية برضو ممكن تبص عليها
qmee
zoombucks
و اعمل سيرش عن earn money from search  هتلاقي نتايج كتير و كل فترة بتلاقي مواقع جديدة ظهرت و عايزين يدخلوا اللعبة

ابداء بعمل موقعك او مدونتك 

لو بتحب تكتب و تتكلم عن مواضيع معينة انت مهتم بيها و شايف انك ممكن تفيد الناس بيها ابتدي اعمل مدونة او موقع و اختار له اسم مناسب و ابتدي اكتب فيها , لو عدد الزوار مناسب ممكن تبيع مساحات اعلانيةعلي موقعك او ممكن تشترك في برنامج اعلانات زي جوجل ادسنس و ده مرتبط بالدفع مقابل النقر و مش مرتبط بعدد زوار اهم حاجة ان موقع ميكونش يخالف القواعد بتاعته زي خرق حقوق الملكية الفكرية او انك تدعو الناس تدوس علي اعلاناتك و في حاجات تانية زي حسوب برضو قريب من ادسنس بس مختلف شوية

بيع الكتب اللي مش بتستعملها و خصوصا الدراسية 

المراجع و الكتب العلمية تعتبر من الحاجات الغالية اللي مش مقدرينها و رامينها في المكتبة ومش بنستفيد بيها و الناس بتشتريها جديدة بسعر غالي رغم انها تقريبا مش بتتغير انت ممكن تعرض الكتب اللي عندك علي النت للبيع بسعر اقل من المكتبات مثلا 25 في الماية و غالبا هتلاقي ناس بتشتري 

اعمل كورس

لو عندك مهارة مش منتشرة في السوق ممكن تجهزكورس تشرح للناس مهارة معينة زي كيفية استخدام برنامج معين فوتوشوب اوتوكاد و غيرها
مهارات شخصية زي عمل cv  و المقابلة الشخصية
شوف مواقع الكورسات و الكورسات اللي عليها لو حاسس انك ممكن تعمل حاجة شبهها او احسن ليه لا
التكلفة تقريبا صفر
ممكن تستخدم كاميرا الموبايل و تصور اللي عايز تقوله
لو بتشرح برامج محتاج برنامج بيسجل من علي سطح المكتب بتاعك زي camtasia
بالنسبة لتقسيم الفيديوهات و رفعها ممكن تستعين بمساعدة شخص او تتعلمها بنفسك في برامج كتير مجانية لمعالجة الفيديوهات و اي حد ممكن يستخدمها بسهولة
موقع udemy بيقدم واجه ممتازة ممكن تبدأ من عليها