هدخل في الموضوع علي طول :
1-موبايل و لابتوب
2-التجارب و المغامرات
عمري ما شوفت واحد مبسوط انه لغي سفرية و اشتري بالفلوس موبايل مثلا و قال انه مبسوط انه خد قرار زي ده , انما شفت كتير قرروا في اخرلحظة انهم يسافروا سواء برة او جوة مصر او يخرجوا حتي يتمشوا و قالوا انهم مبسوطين انهم مفوتوش زي دي.التجارب ممكن تكون رحلات عادية او تمشية علي الكورنيش او السفر حتي لو لمدة يوم التجربة تستاهل و مش لازم تكلفك فلوس كتير .
3-مرتبة و كرسي مكتب !
انت تقريبا بتقضي اكتر من ثلثين يومك سواء نايم (6-8) ساعات او في الشغل (8 علي الاقل) غير وقت المواصلات و غيرها , اشتري احسن مرتبة تقدر عليها هتوفر عليك علي المدي البعيد وجع ظهر و صداع و اضطرابات نوم و هتاثر علي حياتك العملية و العائلية بعد الشغل هتبقي طول اليوم متضايق عشا ن منمتش كويس, برضو لو بتعد علي مكتب فترة طويلة اختار كرسي كويس و مريح للظهلر لو الشغل مش هيرضي يوفرلك كرسي اشتري واحد علي حسابك و ابقي خده معاك لما تسيب الشغل صدقني هيحميك من مشاكل ضهر كتير بتحصل بسبب الكراسي السيئة
4-الاختصارات (اي حاجة توفر عليك وقت او مجهود)
مثلا لو جبت حد ينضفلك البيت مرة في الاسبوع مقابل مبلغ معين هيوفر عليك تعب ووقت نص يوم علي الاقل ممكن تستفيد بيهم تخرج او تنجز شغل او تتعلم حاجة او متعملش حاجة خالص انت اشتريت راحتك بحاجة بسيطةفي حاجات بسيطة لو ركزت فيها ممكن توفر عليك وجع دماغ كتير مثلا ممكن تجيب شواحن زيادة للشغل و بكدة لو بتشتغل علي لابتوب مش هتضطر تشيل شاحن او تقلق انك نسيته لو البطارية قربت تخلص , نفس الكلام يتطبق علي الموبايل و كمان ممكن تجيب شاحن تالت بيركب في العربية.
5-تعليم
اي حاجة هتضيفلك علم او خبرة حتي لو 1 في الماية تستحق الفلوس اللي اتدفعت فيها سواء كتاب او كورس حتي لو الاستفادة حاجة بسيطة هتبقي تستحق تمن الكورس كلهمفيش حد بيندم علي حاجة بيتعلمه و هيجي الوقت و هتحتاج الحاجة البسيطة اللي اتعلمتها و هتبقي بتستحق كل الفلوس اللي اتصرفت
الحاجات البسيطة هتوفر عليك تعب و مجهود و قلق بكل سهولة , صحيح مش هتوفر عليك فلوس بس اعتقد ان ده من هو الهدف من الفلوس و مش هتندم علي قرار زي ده
No comments:
Post a Comment