محدش يقدر ينكر ان سوق العقارات من الحاجات اللي سهل ااستثمار فيها و المكسب فيها شبه مضمون بس ممكن ناس تخسر فلوسها بسبب قلة الخبر و عدم وجود معلومات كافية عن السوق و متغيراته
اول حاجة لازم الواحد يفكر فيها ليه يستثمر فلوسه في العقارات , ايه المميز فيها يعني ؟
سوق العقارات في بلد زي مصر نشيط جدا و الطلب عالي عليه من سنين و من النادر جدا ان حد يخسر في السوق ده وحتي الناس من برة مصر بتيجي تستثمر فيه عشان في ربحية اعلي من بلدهم و اكبر شركات التطوير العقار عندها علي الاقل مشروع او 2 في مصر , زي الفطيم و اعمار و غيرها
اسئلة و اجابات سريعة
مين يقدر يدخل لعبة الاستثمار العقاري؟
اي حد معاه مبلغ معقول يقدر يدخل المجال ده , حتي مش لازم يكون معاه تمن وحدة كاملة ممكن يشترك مع اكتر من واحد في حاجة واحدة و في نظام اسهم برضو هحكي عنه في نظام البناء بالمشاركة
اهم حاجة متكونش قلقان علي الفلوس او ناوي تصرفها في حاجة تانية و تضطر تبيع مستعجل و بخسارة و ميكونش عليك ديون و مسيطر علي مصاريفك و زي ما قلت كدة هي لعبة لو عرفت قواعدها كويس هتكسب فيها اكتر.
هل السوق العقارات مضمون ؟
مفيش شغل مضمون 100 في 100 بس بنسبة كبيرة مفيش خسارة و ده علشان في طلب فعلا علي العقارات و تعداد السكان بيزيد كل سنة و مئات الالف بيتجوزا كل سنة برضو و ده بيشجع الاستثمار , علي عكس دول تانية عدد سكانها شبه ثابت و فيها مغتربين كتير مع اخف ازمة اقتصادية ممكن يحصل ركود او انهيار في الاسعار بتاعت العقارات
المخاطر؟
المخاطر اللي ممكن تحصل متفرقش كتير عن اي مجال تاني ,
تغير مفاجيئ لاسعار مواد البناء او ازمة اقتصادية زي اللي حصلت في 2008 في امريكا و اوروبا تخلي الناس معهاش فلوس تشتري.
ممكن يتنصب عليك لو مش مركز او مستعنتش بالخبراء في مجالهم يعني في الاوراق استشير محامي و في البيع و الشراء استشير سمسار عقارات و كمان دول وقتهم في الاول اهم من لما يكون عندك خبرة في السوق.
